कश्मीर ही पाकिस्तानची दुखरी नस आहे, असे वक्तव्य काही दिवसांपूर्वी करणारे पाकिस्तानचे लष्करप्रमुख जनरल आसीम मुनीर यांनी पुन्हा फणा काढला. ‘‘कश्मीरमधील कायदेशीर स्वातंत्र्य लढय़ाला आम्ही राजकीय, कूटनीतीक व नैतिक पाठिंबा देतच राहू,’’ असे मुनीर म्हणाले. जम्मू-कश्मीरमधील बंडखोर गटाच्या कारवायांना हिंदुस्थान सरकार दहशतवाद म्हणते. मात्र प्रत्यक्षात तो एक कायदेशीर लढा आहे, असे तारे मुनीरने तोडले.
