गतवर्षामध्ये टीम इंडियाची कामगिरी यथातथाच राहिली. टेस्ट क्रिकेटमध्ये टीम इंडियाने जबरदस्त कामगिरी केली, परंतु वर्ल्ड टेस्ट चॅम्पियनशिपच्या फायनलमध्ये पराभव झाला. तर टी-20 क्रिकेटमध्ये दमदार कामगिरी करूनही वर्ल्डकप सारख्या महत्त्वाच्या स्पर्धेमध्ये सेमीफायनलपूर्वीच बाहेर पडावे लागले. मात्र यादरम्यान क्रीडाप्रेमींना जबरदस्त क्रिकेटचा आनंद घेता आला.
2021 प्रमाणे 2022 वर्षातही क्रीडाप्रेमींना मनोरंजनाची पर्वणी मिळणार आहे. आयपीएल, टी-20 वर्ल्डकप आणि महत्त्वाच्या सीरिज टीम इंडियाला यंदा खेळायच्या आहेत. यंदा पहिल्यांदाच व्हाईट आणि रेड बॉलसाठी दोन वेगवेगळे कॅप्टन मैदानात उतरतील. तसेच आयपीएलमध्येही 10 टीम एकमेकांना भिडताना दिसतील.
2022 च्या सुरुवातीला टीम इंडियाला आफ्रिकेसोबत कसोटी मालिका आणि एक दिवसीय मालिका खेळायची आहे. या मालिकेतील पहिला कसोटी सामना 2021 च्या वर्षअखेरीच खेळला गेला आहे.
दुसरी कसोटी – 3 ते 7 जानेवारी, जोहान्सबर्ग
तिसरी कसोटी – 11 ते 15 जानेवारी, केपटाऊन
पहिली वन डे – 19 जानेवारी, पार्ल
दुसरी वन डे – 21 जानेवारी, पार्ल
तिसरी वन डे – 23 जानेवारी, केपटाऊन
दक्षिण आफ्रिका दौऱ्यानंतर टीम इंडियाच्या दौऱ्यावर वेस्ट इंडिजचा संघ येणार आहे. दोन्ही संघात तीन टी-20 सामने आणि तीन वन डे खेळल्या जातील. फेब्रुवारी 2022 मध्ये ही मालिका होईल.
पहिली वन डे – 6 फेब्रुवारी, अहमदाबाद
दुसरी वन डे – 9 फेब्रुवारी, जयपूर
तिसरी वन डे – 12 फेब्रुवारी, कोलकाता
पहिली टी-20 – 15 फेब्रुवारी, कटक
दुसरी टी-20 – 18 फेब्रुवारी, विशाखापट्टणम
तिसरी टी-20 – 20 फेब्रुवारी, तिरुवनंतपूरम
वेस्ट इंडिजनंतर श्रीलंकेचा संघ हिंदुस्थानच्या दौऱ्यावर येईल. दोन्ही संघात तीन टी-20 सामने आणि दोन कसोटी सामने खेळले जातील.
पहिली टेस्ट – 25 फेब्रुवारी ते 1 मार्च, बंगळुरु
दुसरी टेस्ट – 5 ते 9 मार्च, मोहाली
पहिली टी-20 – 13 मार्च, मोहाली
दुसरी टी-20 – 15 मार्च, धर्मशाळा
तिसरी टी-20 – 18 मार्च, लखनौ
वेस्ट इंडिजनंतर टीम इंडिया आयपीएल 2022 मध्ये व्यग्र होईल. आयपीएल संपल्यानंतर दक्षिण आफ्रिकेचा संघ हिंदुस्थानच्या दौऱ्यावर येणार आहे. या दौऱ्यात आफ्रिकेचा संघ पाच टी-20 सामने खेळणार आहे.
पहिली टी-20 – 9 जून, चेन्नई
दुसरी टी-20 – 12 जून, बंगळुरू
तिसरी टी-20 – 14 जून, नागपूर
चौथा टी-20 – 17 जून, राजकोट
पाचवी टी-20 – 19 जून, दिल्ली
दक्षिण आफ्रिकेविरुद्ध यजमानपद भूषवल्यानंतर हिंदुस्थानचा संघ इंग्लंड दौऱ्यावर जाणार आहे. येथे गतवर्षी राहिलेला पाचवी कसोटी खेळली जाईल. यानंतर तीन वन डे आणि तीन टी-20 सामने खेळले जातील.
पाचवी कसोटी – 1 ते 5 जुलै, बर्मिंघम
पहिली टी-20 – 9 जुलै, साऊटहॅम्प्टन
दुसरी टी-20 – 9 जुलै, बर्मिंघम
तिसरी टी-20 – नॉटिंघम
पहिली वन डे – 12 जुलै, लंडन
दुसरा वन डे – 14 जुलै, लंडन
तिसरी वन डे – 17 जुलै, मॅनचेस्टर
इंग्लंड दौऱ्यानंतर हिंदुस्थखानचा संघ ऑक्टोबर आणि नोव्हेंबर महिन्यात टी-20 वर्ल्डकप खेळेल. ऑस्ट्रोलियामध्ये हा वर्ल्डकप होणार असून यात एकूण 45 सामने खेळले जाणार आहेत.
