जास्त बोलणार नाही, आवाज बसेल; उद्धव ठाकरेंचा चिमटा

58

सामना ऑनलाईन । मुंबई

मला कालच्या भाषणाबद्दल मला काही बोलायचे नाही. मी जास्त बोलणार नाही, माझा आवाज बसेल, अशा मार्मिक शब्दात शिवसेना पक्षप्रमुख उद्धव ठाकरे यांनी भाजपला चिमटा काढला. कालचा प्रकार म्हणजे कोकणातल्या दशावताराचाच एक भाग वाटत होता, अशी टीकाही केली.

कुणी स्वत:ला पांडव म्हटल्याने पांडव किंवा कृष्ण म्हटल्याने कृष्ण होत नाही, असा टोलाही उद्धव ठाकरे यांनी लगावला. कालपर्यंत मुख्यमंत्र्यांची एक प्रतीमा होती, मात्र आता ती मलिन झाली आहे. आता ते गुंडांचे मंत्री झालेसारखे वाटते, असे उद्धव ठाकरे म्हणाले. मी मांडलेल्या पारदर्शकतेच्या मुद्द्यावर कोणीच बोलत नाही. त्या सर्वांचे मुखवटे पडले आहेत, असेही ते यावेळी म्हणाले.

पालिकेचे माजी विरोधीपक्ष नेते शिवसेनेत

मुंबई काँग्रेसमध्ये संजय निरुपम यांची हुकुमशाही सुरू आहे. ते मराठी माणसांवर अन्याय करत आहे, असा आरोप करत काँग्रेस नेते देवेंद्र आंबेरकर यांनी शिवसेनेत प्रवेश केला. शिवसेना पक्षप्रमुख उद्धव ठाकरे यांनी त्यांचे स्वागत केले. आंबेरकर यांचे अंधेरीमध्ये चांगले काम आहे. लोकांचा त्यांच्या कामावर विश्वास आहे.

आपली प्रतिक्रिया द्या