विकृत मानसिकतेच्या तरुणांनी गोवंशासोबत अनैसर्गिक कृत्य केले आणि त्याचा व्हिडीओ समाजमाध्यमात वायरल केल्याने एकच खळबळ उडाली आहे. या घटनेतील सात आरोपीना पोलिसांनी अटक केली आहे. प्रल्हाद राठोड (65), विजय पाल (22), हर्षल घोटेकर (27), विजय ढोके (26), पुरुषोत्तम सहारे (42), नरेश वर्मा (32) शुभम खोब्रागडे (29) अशी आरोपीची नावे असून हे सर्व आरोपी बल्लारपूर शहरातील आहेत.
6 जून रोजी इट्स चंद्रपूर या इन्स्टाग्राम पेजवर ‘रात गोमाता के साथ, दृष्कर्म का प्रयास’ या शीर्षकाखाली बल्लारपूर-कारवा रोडवर गोमातेसह अनैसर्गिक कृत्य करत असल्याचा व्हिडीओ व्हायरल झाला. 7 जून रोजी बकरी ईद असल्याने हा व्हिडीओ सर्वत्र चांगलाच पसरला. या व्हिडीओमुळे अनेकांचा भावना दुखावल्या. सुभाष वॉर्ड, बल्लारपूर येथील सत्यनारायण खेंगर यांनी याबाबत बल्लारपूर पोलीस ठाण्यात तक्रार दिली. बल्लारपुरातील पोलीस निरीक्षक गव्हाणे यांनी कलम 299, 3 (5) बीएनएस सहकलम 67 माहिती तंत्रज्ञान अन्वये गुन्हा नोंदवून तपास करण्यात आला. गोवंशासोबत अनैसर्गिक कृत्य करणारे, व्हिडीओ बनवणारे आणि व्हिडीओ शेअर करणाऱ्या सातही जणांवर गुन्हा दाखल करून त्यांना अटक करण्यात आली आहे. पुढील तपास पोलीस निरीक्षक श्याम गव्हाणे करीत आहे.
