पंतप्रधान नरेंद्र मोदी शुक्रवारी जम्मू-कश्मीर दौऱ्यात 46 हजार कोटी रुपयांच्या विविध विकास प्रकल्पांचे लोकार्पण करणार आहेत. त्यात चिनाब नदीवर बांधलेल्या जगातील सर्वात उंच रेल्वे पुलाचा समावेश आहे. पंतप्रधान सकाळी 11 वाजता चिनाब पुलाचे उदघाटन करणार असून नंतर कटरा ते श्रीनगरदरम्यान दोन ‘वंदे भारत’ एक्सप्रेसना हिरवा झेंडा दाखवणार आहेत.
चिनाब नदीवर बांधलेला पूल हा हिंदुस्थानातील पहिला केबल-स्टेड रेल्वे पूल आहे. हा पूल 1.3 किमी लांबीचा आणि 359 मीटर उंचीचा आहे. हा पूल पॅरिसच्या आयफेल टॉवरपेक्षा 35 मीटर उंच आहे. 260 किमी प्रतितास वेगाने येणाऱ्या वाऱ्यात तसेच भूकंपाच्या झोन-5 मध्येही पूल स्थिर राहू शकतो. पूलाच्या बांधकामात 30,000 टन स्टीलचा वापर करण्यात आला आहे. सुमारे 1500 कोटी रुपये खर्चून बांधलेला हा पूल हिंदुस्थानच्या अभियांत्रिकी शक्तीचे प्रतिक मानला जात आहे. उधमपूर-श्रीनगर-बारामुल्ला रेल्वे लिंक प्रकल्पाचेही लोकार्पण केले जाणार आहे. या रेल्वे लिंकची लांबी 272 किमी असून त्यावर 43,780 कोटी रुपये खर्च केला आहे. त्यात 36 बोगदे व 943 पूल समाविष्ट आहेत.
Propelling the vision of #ViksitBharat.
The Chenab Bridge is the world’s highest railway arch bridge.
The bridge will give a boost to socio-economic development of the J&K region while improving its connectivity with other parts of #BemisaalBharat. pic.twitter.com/tCxnxrbR2A
— Indian Diplomacy (@IndianDiplomacy) June 4, 2025
