रेल्वेची फायनान्स कंपनी आयआरएफसीमधील 4 टक्के हिस्सा केंद्र सरकार विकणार आहे. ही विक्री ऑफर फॉर सेलद्वारे केली जाणार आहे. गुंतवणूकदार 26 फेब्रुवारीपर्यंत बोली लावू शकतील. यासाठी प्रति शेअर 104 रुपये किंमत निश्चित करण्यात आली आहे. आयआरएफसीमध्ये सरकारची एकूण हिस्सेदारी 86.36 टक्के आहे. 4 टक्के हिस्से विक्रीनंतर सरकारकडे 82.36 टक्के हिस्सेदारी राहील. आयआरएफसीची स्थापना 12 डिसेंबर 1986 मध्ये झाली होती. सरकारच्या रेल्वे मंत्रालयाच्या अंतर्गत येणारी एक कंपनी आहे.
