हिंदुस्थानचा वेगवान गोलंदाज खलील अहमद लवकरच काऊंटी क्रिकेटमध्ये पदार्पण करणार आहे. चेन्नई सुपर किंग्सच्या या खेळाडूने एसेक्ससोबत करार केला आहे. डावखुरा वेगवान गोलंदाज इंग्लिश काऊंटी चॅम्पियनशिपचे उर्वरित सामने आणि वन-डे कपमध्ये खेळताना दिसणार आहे.
अहमदने एसेक्ससोबत करार केल्याने तो खूप उत्साहित आहे. ‘मी एसेक्ससोबत करार करून रोमांचित आहे. क्लबच्या समृद्ध इतिहासाबद्दल मी खूप ऐकले आहे. मी याचा भाग बनण्यासाठी आणि त्वरित प्रभाव पाडण्याचा प्रयत्न करण्यासाठी उत्सुक आहे. चेम्सफोर्डमध्ये खेळण्यासाठी, एसेक्सच्या सदस्यांना आणि चाहत्यांना भेटण्यासाठी आणि ते गर्व करतील असा खेळ करण्यासाठी मी उत्सुक आहे,’ असे खलील म्हणाला.
एसेक्सचे क्रिकेट संचालक क्रिस सिल्वरवुड यांनी खलीलच्या करारावर आनंद व्यक्त केला आहे. ते म्हणाले, ‘आम्ही खलीलला क्लबमध्ये सामील करून खूप आनंदी आहोत. इंडिया ए’साठी त्याच्या कामगिरीने आम्ही प्रभावित आहोत. तो आमच्या वेगवान गोलंदाजीची धार आणखी वाढवेल. डावखुरा वेगवान गोलंदाज म्हणून तो काहीतरी वेगळे देतो आणि वन डे कप आणि काऊंटी चॅम्पियनशिप या दोन्हींमध्ये संघात एक नवीन जोश भरतो.’
