ब्रिटनमधील केंब्रिजशायर येथे शनिवारी ट्रेनमध्ये अनेक प्रवाशांवर चाकूने हल्ला झाला. प्रवाशांनी भरलेल्या ट्रेनमध्ये काही जणांनी इतरांवर चाकूने वार केले. या घटनेनंतर प्रवाशांमध्ये भीतीचे वातावरण निर्माण झाले. पोलिसांनी घटनास्थळी धाव घेऊन दोन जणांना अटक केली. ट्रेनला हंटिंग्डन येथे थांबवण्यात आले आणि जखमींना रुग्णालयात दाखल करण्यात आले. याप्रकरणी केंब्रिजशायर कॉन्स्टेब्युलरीने सांगितले की, त्यांच्या अधिकाऱ्यांनी ब्रिटिश ट्रान्सपोर्ट पोलीस यांच्यासोबत मिळून प्रकरणाची चौकशी सुरू केली आहे.
