राज्यात येत्या 2 डिसेंबर रोजी नगरपरिषद-नगरपंचायतींच्या सार्वत्रिक निवडणुकांसाठी मतदान पार पडणार आहे. या दिवशी संबंधित क्षेत्रातील मतदारांना सुट्टी जाहीर करण्यात आली आहे. अत्यावश्यक कामावर असलेल्यांना मतदान करता यावे म्हणून काही तासांची सवलतही द्यावी लागणार आहे. खासगी आस्थापनांनाही हा नियम लागू असणार आहे. या आदेशाचे उल्लंघन झाल्याच्या तक्रारी मतदारांनी केल्यास संबंधितांवर कारवाई करण्यात येणार आहे.
राज्यात येत्या 2 डिसेंबर रोजी नगरपरिषद-नगरपंचायतींसाठी मतदान पार पडणार आहे. 3 डिसेंबर रोजी मतमोजणी आणि निकाल असणार आहे. या पार्श्वभूमीवर राज्य सरकारने निवडणुका असणाऱ्या क्षेत्रात 2 डिसेंबर रोजी सार्वत्रिक सुट्टी जाहीर केली आहे.
