आता कपडे धुण्याची पावडर केवळ कपडय़ावरचे डाग नव्हे तर डास-मच्छरांनाही पळवून लावेल. आयआयटी दिल्लीच्या शास्त्रज्ञांनी एक अनोखे डिटर्जेंट तयार केलेय, जे डासांना कपडय़ांच्या जवळही फिरकू देणार नाही. पावडर आणि लिक्विड अशा दोन्ही स्वरूपांत ते उपलब्ध असेल.
आयआयटी दिल्लीच्या टेक्सटाईल अँड फायबर इंजिनीअरिंग विभागाच्या संशोधन टीमचे प्रमुख प्रा. जावेद शेख यांच्या टीमने तयार केलेल्या या खास डिटर्जेंटमध्ये ऑक्टिव पंपाऊंड आहेत. हे घटक कपडय़ांच्या धाग्याधाग्यांच्या आत जातात. ते डासांची हुंगण्याची क्षमता आणि स्वाद क्षमता ब्लॉक करून टाकते. त्यामुळे डास कपडय़ांपासून दूर राहतात. विशेष म्हणजे असे डिटर्जेंट वापरलेले कपडे वारंवार धुतले तरी त्यातील घटक सक्रिय राहतात.
प्रयोगशाळेत सुरू असलेल्या चाचणीदरम्यान प्रतिनिधींनी विशेष डिटर्जेंटने धुतलेले कपडे वापरले आणि नंतर मच्छरने भरलेल्या बॉक्समध्ये टाकले. सामान्य कपडय़ांवर मच्छर बसले. मात्र या विशिष्ट डिटर्जेंटने धुतलेल्या कपडय़ांच्या आसपासही मच्छर फिरकले नाहीत. ही वॉशिंग पावडर तयार केलीय जी रोजच्या जीवनात सहज वापरता येईल.
