उद्यापासून डिसेंबर महिना सुरू होत असून दैनंदिन जीवनातील अनेक गोष्टींमध्ये बदल होणार आहेत. ज्याचा थेट परिणाम तुमच्या बचतीवर, खर्चावर आणि बँकिंग व्यवहारांवर होऊ शकतो. ऑईल मार्केटिंग कंपन्या, LPG सिलेंडर, टॅक्स, बॅंकिंग सेक्टर, पेंशन यावर हा परिणाम दिसून येणार आहे. त्यामुळे डिसेंबर महिन्यात होणाऱ्या या बदलांबद्दल माहिती असणे गरजेचे आहे.
1. LPG सिलेंडरचे दर
दर महिन्याच्या पहिल्या तारखेला तेल कंपन्या एलपीजीच्या दरात बदल करतात. त्यामुळे यंदाही १ डिसेंबरपासून नवीन दर जारी केले जाऊ शकतात. मागील काही काळात 19 किलोग्रॅमच्या एलपीजी गॅस सिलेंडरच्या दरात अनेकदा बदल झाले आहेत. १ नोव्हेंबर रोजी त्याच्या दरात 6.50 रुपयांची कपात करण्यात आली होती. मात्र, घरगुती वापराच्या 14 किलोग्रॅम गॅस सिलेंडरचे दर बऱ्याच काळापासून स्थिर आहेत. त्यामुळे वर्षाच्या शेवटच्या महिन्यात त्याच्या दरात बदल होण्याची शक्यता व्यक्त केली जात आहे.
२. एटीएफच्या (ATF) दरात बदल
ऑईल कंपन्या दर महिन्याच्या पहिल्या तारखेला एलपीजी सिलेंडरसोबतच हवाई इंधन म्हणजेच एअर टर्बाइन फ्यूलचे नवीन दरही जारी केले जातात. त्यामुळे डिसेंबर महिन्यातही यात बदल होण्याची शक्यता आहे. ज्याचा थेट परिणाम विमान प्रवास करणाऱ्या प्रवाशांच्या खिशावर होईल. याशिवाय, कंपन्या सीएनजी आणि पीएनजीच्या दरात CNG-PNG Rates) बदलाची घोषणा करू शकतात.
३. यूपीएस (UPS) निवडण्याची मुदत
सरकारी कर्मचाऱ्यांना युनिफाइड पेन्शन स्कीम (UPS) निवडण्याची मुदत 30 सप्टेंबरवरून वाढवून 30 नोव्हेंबर करण्यात आली होती. त्यामुळे आज पेन्शन स्की निवडण्याची शेवटची तारीख आहे. कोणताही सरकारी कर्मचारी एनपीएस (NPS) आणि यूपीएस (UPS) पैकी कोणताही एक पर्याय निवडू शकतो. मात्र जर या तारखेत बदल झाला नाही तर तुम्ही तुमची युनिफाइड पेन्शन स्कीम निवडण्याची संधी गमवून बसाल.
4. पेन्शन थांबेल
डिसेंबर महिन्यात होणाऱ्या बदलांमध्ये ज्येष्ठ नागरिकांच्या पेन्शनशी संबंधित बदल होण्याची शक्यता आहे. पेन्शन सुरू ठेवण्यासाठी जीवन प्रमाणपत्र (Life Certificate) जमा करण्याची आज शेवटची तारीख आहे. कारण जीवन प्रमाणपत्र जमा करण्यासाठी 30 नोव्हेंबर ही शेवटची तारीख आहे. जर ही अंतिम तारीख वाढवली नाही, तर पेन्शन मिळण्यात अडचण येऊ शकते.
5. कर (Tax) संबंधित नियम
ऑक्टोबर महिन्यात तुमची टीडीएस (TDS) कापला गेला असेल, तर कलम 194-आयए, 194-आयबी, 194एम आणि 194एस अंतर्गत स्टेटमेंट (Statement) जमा करण्याची आज शेवटची तारीख आहे. १ डिसेंबरनंतर स्टेटमेंट जमा करता येणार नाही. ज्या करदात्यांना कलम 92 E अंतर्गत रिपोर्ट जमा करायचा होता, त्यांनी आजच हे काम करावे.
6 – Bank Holidays
जर तुमचे बँकिंग संबंधित कोणतेही काम असेल, तर ते लवकरात लवकर करणे अपेक्षित आहे. डिसेंबर हा सुट्ट्यांचा महिना आहे. RBIच्या बँक सुट्ट्यांच्या यादीनुसार, महिन्याची सुरुवात सुट्टीने होते. दुसरा आणि चौथा शनिवार आणि रविवारच्या साप्ताहिक सुट्टीचाही त्यात समावेश आहे. बँका डिसेंबरमध्ये एकूण 17 दिवस बंद राहतील. या बँक सुट्ट्या राज्यानुसार बदलू शकतात. म्हणून, बँकेत पडण्यापूर्वी आज Bank Holiday आहे की नाही याची खातरजमा करून घराबाहेर पडा.
