गेल्या दहा दिवसांपासून कोलमडलेली इंडिगो एअरलाईन्सची सेवा अजूनही सुरळीत झालेली नाही. आजही कंपनीची 200 पेक्षा जास्त उड्डाणे रद्द झाली. या प्रकरणाची चौकशी सुरू करण्यात आली आहे. त्रस्त प्रवाशांना दहा हजार रुपयांचे अतिरिक्त ट्रव्हल व्हाऊचर देण्याची घोषणा पंपनीने केली.
इंडिगोच्या सीईओंवर प्रश्नांचा भडिमार
इंडिगोचे सीईओ पीटर अल्बर्स यांच्यावर डीजीसीएने सुमारे दोन तास विविध प्रश्नांचा भडिमार केला. मनुष्यबळ व्यवस्थापन, फ्लाईट ऑपरेशन्स, रिफंड तसेच नुकसानभरपाईशी संबंधित अनेक प्रश्न त्यांना विचारण्यात आल्याचे सूत्रांनी सांगितले. तसेच डीजीसीएने काही अधिकारी इंडिगोच्या मुख्यालयात तैनात करण्याचा निर्णय घेतला आहे. ते डीजीसीएला दररोज अहवाल सादर करणार आहेत.
10 हजार रुपयांचे व्हाऊचर कोणाला मिळणार?
3 ते 5 डिसेंबर या कालावधीत उड्डाणे रद्द झाल्यामुळे सर्वाधिक त्रास झालेल्या प्रवाशांना 10 हजार रुपयांचे अतिरिक्त ट्रव्हल व्हाऊचर मिळणार आहे. पंपनीने दिलेल्या माहितीनुसार विमान उडाल्यानंतर 24 तासांच्या आत तिकीट रद्द झाल्यानंतर मिळणाऱया 5 ते 10 हजार रुपयांच्या व्यतिरिक्त हे व्हाऊचर असेल, मात्र जास्त त्रास झालेले प्रवासी म्हणजे नेमके कोणते, हे पंपनीने स्पष्ट केलेले नाही. वर्षभरात ते व्हाऊचर प्रवाशांना वापरता येईल.
