चंद्रपूरच्या नागभीड तालुक्यातील शेतकरी रोशन कुडे याने कर्जफेडीसाठी चक्क किडनी विकल्याचे समोर आले असताना आता पंबोडियामध्ये आणखी पाच युवकांच्या किडन्या कायाचा धक्कादायक प्रकारही उघड झाला आहे. उत्तर प्रदेश, राजस्थान, हरयाणा, पंजाब आणि बिहारमधील तरुणांचा यामध्ये समावेश आहे. किडनी विकावी लागणारा शेतकरी रोशन कुडे यानेच प्रसारमाध्यमांशी बोलताना आज ही माहिती दिली. कंबोडियात ‘किडनी स्पॅम’ चालत असल्याचेही त्याने सांगितले.
चंद्रपूरमधील मिंथूर येथील शेतकरी रोशन कुडे याने किडनी विकल्याचा प्रकार नुकताच समोर आला होता. त्याच्या चौकशीतून अनेक धक्कादायक प्रकार समोर येत आहेत. आपल्याप्रमाणेच आर्थिक संकटात असल्यामुळेच या तरुणांनी किडनी विकल्याचे त्याने प्रसारमाध्यमांशी बोलताना सांगितले. नाशिक येथील एक व्यक्ती यावेळी सोबत होता, असे तो म्हणाला. त्याने आधी किडनी देण्यास होकार दिला, मात्र नंतर नकार देत कोलकाता विमानतळावरून घरी परतल्याचे तो म्हणाला. दुग्ध व्यवसायासाठी आपण कर्ज घेतले होते, पण गायी मरण पावल्या आणि नुकसान झाल्याने कर्जात बुडत गेल्याचे त्याने सांगितले. दरम्यान, हे प्रकरण बेकायदा सावकारीतून आंतरराष्ट्रीय मानवी अवयव तस्करीच्या दिशेने जात असल्याने पोलिसांनी त्या दिशेने तपासाची चव्रे फिरवली आहेत.
मोठय़ा रॅकेटचा समावेश
किडनी कंबोडियात जाऊन काहे एवटय़ाचे काम नाही. यात एखादे रॅकेट सक्रिय असल्याची दाट शक्यता असून त्यादिशेने तपास सुरू आहे. शेतकऱयाने सांगितलेल्या प्रत्येक राज्यात पथक जात आहे. जे पाच जण रोशन कुडे यांच्यासोबत पंबोडियाला गेले त्यांच्याशीही संपर्क साधला जाणार असल्याचे चंद्रपूरचे पोलीस अधीक्षक मुम्मका सुदर्शन यांनी सांगितले.
तपासासाठी ‘एसआयटी’ स्थापन
रोशन कुडेने उघड केलेल्या धक्कादायक माहितीमुळे कंबोडियात ‘किडनी स्पॅम’ चालत असल्याचे समोर आले आहे. त्यामुळे या प्रकरणाच्या चौकशीसाठी पोलिसांनी विशेष तपास पथकाची (एसआयटी) स्थापना केली आहे. अतिरिक्त पोलीस अधीक्षकांच्या नेतृत्वात आणि पोलीस अधीक्षकांच्या अधिपत्याखाली हे पथक काम करणार असून अवयव तस्करीबाबत तपास करणार आहे.
नोरा फतेहीच्या कारचा अपघात, डोक्याला दुखापत
मुंबई, दि. 20 (प्रतिनिधी) – अभिनेत्री- नृत्यांगना नोरा फतेही हिच्या कारचा शनिवारी अपघात झाला असून या अपघातात तिच्या डोक्याला दुखापत झाली आहे. मद्यधुंद अवस्थेत असलेल्या एका व्यक्तीने नोराच्या कारला धडक दिल्यामुळे हा अपघात झाल्याची माहिती आहे.
डेव्हिड गुएटा यांच्या कॉन्सर्टनोरा सनबर्न फेस्टिव्हलकडे जात होती. तेव्हाच नशेत असलेल्या एका व्यक्तीच्या कारने नोराच्या कारला जोरदार धडक दिली, ज्यामुळे तिच्या डोक्याला दुखापत झाली. मात्र उपचारानंतर नोराने कामावर परतण्याचा आग्रह धरला आणि सनबर्नसाठी रवाना झाली.
