ऑस्ट्रेलियामध्ये बोंडी बीचवर बेछूट गोळीबार करण्याची घटना ताजी असतानाच आता दक्षिण आफ्रिकेतील जोहान्सबर्ग येथील बेकरसडल टाऊनशीपमध्ये बेछूट गोळीबार झाला आहे. गोळीबारात 10 लोकांचा मृत्यू झाल्याचे समजते. अन्य 10 जण जखमी झाले आहेत. या महिन्यातील दक्षिण आफ्रिकेतील ही दुसरी मास शूटिंगची घटना आहे. पोलिसांनी दिलेल्या माहितीनुसार, जोहान्सबर्ग येथून नैऋत्य दिशेला 40 किमी अंतरावर असलेल्या बेकरसडल टाऊनशीपमध्ये रविवारी सकाळी गोळीबार करण्यात आला. या हल्ल्यामागचा हेतू अद्याप स्पष्ट झालेला नाही. काही लोक रस्त्यावर उभे असताना त्यांच्यावर अज्ञात इसमाने अचानक गोळीबार केला. बेकरसडल टाऊनशीपच्या एका बारजवळ ही घटना घडली. याच ठिकाणी जवळच एक सोन्याची खाण आहे. या ठिकाणी विनापरवाना मद्यविक्री सुरू होती.
