उत्तर प्रदेशातील आग्रा येथे एक धक्कादायक घटना समोर आली आहे. एका 38 वर्षीय तरुणाने गुदाशयात एक लिटरची प्लास्टिकची बाटली घातली. यानंतर असह्य वेदना होऊ लागल्या. त्याची प्रकृती अधिक बिघडल्याने कुटुंबाने त्याला एका खाजगी रुग्णालयात दाखल केले. डॉक्टरांनी यशस्वी शस्त्रक्रिया करत गुदाशयातील बाटली काढून टाकली.
मिळालेल्या माहितीनुसार, साकेत कॉलनीतील रहिवासी असलेल्या तरुणाला सुमारे 36 तास गुदाशयात भयंकर वेदना होत होत्या. त्रास अधिक वाढल्याने रुग्णालयात गेला. डॉक्टरांनी त्याचा एक्स-रे केला असता गुदाशयात एक लिटरची प्लास्टिकची बाटली अडकल्याचे दिसून आले. त्याला तात्काळ आपत्कालीन कक्षात दाखल करण्यात आले.
रुग्णालयाचे वरिष्ठ सर्जन डॉ. सुनील शर्मा यांच्या पथकाने 1 तास 10 मिनिटांची यशस्वी शस्त्रक्रिया करत गुदाशयातील बाटली काढून टाकली.
शस्त्रक्रियेनंतर तरुणाला डॉक्टरांच्या निरीक्षणाखाली ठेवण्यात आले. अंतर्गत दुखापती किंवा संसर्ग होऊ नये यासाठी डॉक्टरांनी पुढील तपासणीसाठी सिग्मोइडोस्कोपी देखील केली. आता तरुणाची प्रकृती ठीक असल्याने त्याला रुग्णालयातून डिस्चार्ज देण्यात आला.
डॉक्टरांनी दिलेल्या माहितीनुसार तरुणाला गुदाशयासंबंधी कामुकता नावाच्या मानसिक लैंगिक विकाराने ग्रासले होते. यात काही लोक असामान्य लैंगिक उत्तेजना किंवा आनंदासाठी खाजगी अवयवांशी धोकादायक चाळे करतात. अशा प्रकरणांमध्ये, रुग्ण अनेकदा लाज किंवा संकोचामुळे रुग्णालयात उशिरा पोहोचतात, ज्यामुळे धोका आणखी वाढतो. वेळेवर उपचार न मिळाल्यास, अंतर्गत दुखापती, संसर्ग आणि गंभीर गुंतागुंत होऊ शकतात. अशा प्रकरणांमध्ये, भविष्यात पुनरावृत्ती टाळण्यासाठी रुग्णांचे समुपदेशन करणे आवश्यक आहे, असे डॉक्टर म्हणाले.
