जगातील आक्रमक फलंदाजांच्या यादीत समावेश असणारा आणि मिस्टर 360 म्हणून आपली वेगळी ओळख निर्माण करणारा दक्षिण आफ्रिकेचा माजी फलंदाज एबी डिव्हिलियर्सने जगातील सर्वात धोकादायक फलंदाजाचं नाव सांगितलं आहे. विशेष म्हणजे आपल्या विस्फोटक खेळीने चाहत्यांच्या मनावर राज्य करणाऱ्या ख्रिस गेल, विरेंद्र सेहवाग आणि सनथ जयसूर्या यांचा यामध्ये समावेश नाही. एबी डिव्हिलियर्सने ऑस्ट्रेलियाचा माजी कर्णधार रिकी पॉण्टिंगला आपल्या काळातील सर्वात खतरनाक फलंदाज मानलं आहे.
एका मुलाखतीमध्ये एबी डिव्हिलियर्स म्हणाला की, “मला वाटतंय की रिकी पॉण्टिंगविरुद्ध खेळणं खूप आव्हानात्मक होतं. मला नेहमी वाटायचं की तो जगातील सर्वात धोकादायक फलंदाज आहे. त्याची फलंदाजी जबरदस्त होती. त्याचं फलंदाजीवर कायम नियंत्रण होतं. तो संघाला विजय मिळवून देत होता. गोलंदावर तुटून पडण्यात तो उजवा होता. जेव्हा तो फलंदाजी करायचा तेव्हा, तो खेळ सोपा करत असे, असं म्हणत एबी डिव्हिलियर्सने पॉण्टिंगला आपल्या काळातील खतरनाक फलंदाज मानलं आहे.
रोहित नव्हे श्रेयस कर्णधार? हिंदुस्थानी वन डे संघाच्या नव्या नेतृत्वाची चर्चा सुरू
ऑस्ट्रेलियाचा सर्वात यशस्वी कर्णधार आणि खेळाडू म्हणून रिकी पॉण्टिंगच्या नावाच उल्लेख केला जातो. त्याने 168 कसोटी सामन्यांमध्ये 13 हजार 378 धावा केल्या असून यामध्ये 41 शतके आणि 62 अर्धशतकांचा समावेस आहे. तसेच 375 वनडे सामन्यांमध्ये 13 हजार 704 धावा केल्या असून त्यामध्ये 30 शतके आणि 82 अर्धशतकांचा समावेश आहे.
