क्रिकेटप्रेमी ज्या कसोटी मालिकेची आतुरतेने वाट पाहतात अशा नामांकीत आणि सर्वात जुन्या Ashes Series चे वेळापत्रक जाहीर करण्यात आले आहे. 21 नोव्हेंबर 2025 पासून ऑस्ट्रेलिया आणि इंग्लंड या संघांमध्ये द्वंद्वाला सुरुवात होईल. विशेष म्हणजे 43 वर्षांत पहिल्यांदाच अ‍ॅशेस मालिकेची सुरुवात पर्थमधून होणार आहे.
Back-to-back Ashes summers 🤩
The dates for the 2025/26 NRMA Insurance Ashes have been locked in, with the West Test to start things off on November 21st, 2025.
Read more 📰 https://t.co/rLJBVF8AgC pic.twitter.com/C2CGacpsVG
— Cricket Australia (@CricketAus) October 16, 2024
ऑस्ट्रेलिया आणि इंग्लंड यांच्यामध्ये 21 नोव्हेंबर 2025 पासून 5 सामन्यांच्या अ‍ॅशेस मालिकेला सुरुवात होणार आहे. पहिला सामना पर्थमध्ये खेळवण्यात येणार आहे. तर दुसरा सामना 4 ते 8 डिसेंबर या कालावधीत ब्रिस्बेन (दिवस-रात्र), तिसरा सामना 17 ते 21 डिसेंबर या कालावधीत अ‍ॅडिलेड, चौथा कसोटी सामना 26 ते 30 डिसेंबर मेलबर्न आणि पाचवा कसोटी सामना 4 ते 8 जानेवारी 2026 सिडनीमध्ये खेळवण्यात येणार आहे. इंग्लंडने 2010-11 नंतर ऑस्ट्रेलियामध्ये कोणतीही मालिका जिंकलेली नाही. त्यामुळे इंग्लंड ऑस्ट्रेलियाला पराभुत करून मालिका विजय साजरा करण्यासाठी आतुर असेल. ऑस्ट्रेलिया सुद्धा चांगल्या फॉर्मात आहे त्यामुळे दोन्ही संघांमध्ये तुंबळ युद्धाची रोमांचक लढाई चाहत्यांना पहायला मिळणार आहे.
