आरटीओ ई चलन अप्सच्या नावाखाली सायबर ठगाने मोबाईल अ‍ॅक्सेस घेऊन वृद्धाच्या बँक खात्यावर डल्ला मारल्याची घटना घडली आहे. या प्रकरणी मालाड पोलिसांनी अज्ञात व्यक्तीविरोधात गुन्हा नोंद केला आहे.
मालाड येथे राहणारे तक्रारदार हे ज्येष्ठ नागरिक आहेत. त्यांनी मोबाईलमध्ये आरटीओ चलन नावाचे अप्स डाऊनलोड केले आहे. नुकतेच त्यांनी एकाकडून वाहन खरेदी केले होते. त्याने तक्रारदार यांच्या मुलाला व्हाट्सअपवर दोन हजार रुपयांचे चलन भरण्याचा मेसेज पाठवला होता. त्यामुळे तक्रारदार यांच्या मुलाने त्या आरटीओ चलन अप्सद्वारे दोन हजार रुपये भरले. पैसे भरल्यानंतर ते पैसे परत त्याच्या खात्यात आले.
दोन दिवसांपूर्वी तक्रारदार हे घरी होते. तेव्हा त्यांना मोबाईलवर एक मेसेज आला. खात्यातून 4 लाख 90 हजार रुपये एनईएफटी द्वारे वजा झाल्याचा मेसेज आला होता.
