पीएफ खात्यातून आता वैद्यकीय खर्चापोटी दुप्पट रक्कम मिळणार आहे. आधी 50 हजार रुपये काढता येत होते. आता 1 लाख रुपये काढता येणार आहेत.
ईपीएफओने वैद्यकीय कारणासाठी आगाऊ पैसे काढण्याच्या नियमांमध्ये काही महत्त्वाचे बदल केले आहेत. ईपीएफओने अलीकडेच जारी केलेल्या परिपत्रकानुसार वैद्यकीय परिस्थितीत पीएफ खात्यातून पैसे काढण्याची मर्यादा दुप्पट करण्यात आली आहे. याबाबत ईपीएफओने 16 एप्रिल रोजी परिपत्रक काढले असून त्यानुसार ऑप्लिकेशन सॉफ्टवेअरमध्येही बदल केले आहेत. फॉर्म 31 सोबत पीएफधारकाने कर्मचारी तसेच डॉक्टर यांच्या स्वाक्षरीचे प्रमाणपत्र सादर करणे गरजेचे आहे.
