वजन कमी करण्यासाठी आपण नानाविध प्रयोग करत असतो. परंतु वजन नियंत्रित ठेवण्यासाठी मात्र आपण काहीच करताना दिसत नाही. वजन वाढू नये याकरता आपण आपल्या रोजच्या जीवनशैलीत काही ठराविक गोष्टी करणे हे खूप गरजेचे आहे. बडीशेपचे पाणी आरोग्यासाठी खूप फायदेशीर मानले जाते. वजन कमी करण्यासाठी हा एक योग्य पर्याय म्हणून पाहिला जाऊ शकतो. वजन कमी करण्यासाठी बडीशेप पाणी अनेक प्रकारे फायदेशीर मानले जाऊ शकते. जे लोक नियमितपणे बडीशेपचे पाणी पितात त्यांचा चयापचय दर संतुलित असतो. असे लोक जे काही खातात ते सहज पचते आणि या लोकांना जास्त भूक लागत नाही. भूक नियंत्रणात असते, तेव्हा व्यक्ती कारणाशिवाय जास्त खाणे टाळते. हे दोन्ही घटक वजन वाढवण्यात महत्त्वाची भूमिका बजावतात.
Health Tips – जेवणानंतर गोड पदार्थ खाण्याचे आरोग्यवर्धक फायदे, वाचा
वजन कमी करण्यासाठी बडीशेपचे पाणी कसे मदत करते?
ज्यांना पचनाचे विकार असतात त्यांना इतर अनेक आरोग्य समस्यांनाही तोंड द्यावे लागते. पचनाच्या समस्यांमुळे पोटफुगी आणि गॅस सारख्या समस्या देखील उद्भवतात. यामुळे लठ्ठपणा येऊ शकतो. अशा परिस्थितीत नियमितपणे बडीशेपचे पाणी प्यायले तर पचनसंस्था सुधारते. सूज कमी होते आणि वजन कमी होण्यास सुरुवात होते.
Health Tips – वजन कमी करण्यासाठी ‘या’ भाकरीचा आहारात समावेश करा, मिळतील खूप सारे फायदे
बडीशेपचे पाणी प्यायल्याने भूक कमी लागते. जास्त अन्न त्यामुळे आपण खाऊ शकत नाही. याच कारणामुळे आपले वजन नियंत्रणात राहण्यास मदत होते.
वजन कमी करण्यासाठी बडीशेप पाणी कधी आणि कसे प्यावे.
वजन कमी करण्यासाठी, दररोज 1-2 चमचे बडीशेप एका ग्लास कोमट पाण्यात रात्रभर भिजवा. हे पाणी गाळून दुसऱ्या दिवशी सकाळी प्या. ही प्रक्रिया काही दिवस सतत करा. काही दिवसांतच तुम्हाला तुमच्या वजनात फरक जाणवू लागेल.
बडीशेपचे पाणी कोणी पिऊ नये?
एखाद्याला बडीशेपची ऍलर्जी असेल तर त्यांनी वजन कमी करण्यासाठी बडीशेपचे पाणी पिऊ नये. यामुळे पुरळ किंवा त्वचेशी संबंधित इतर समस्या उद्भवू शकतात.
मधुमेह, यकृताची समस्या, कर्करोग इत्यादी गंभीर आजार असतील तर बडीशेप पाणी पिणे टाळा. त्यांनी ते त्यांच्या दिनचर्येचा भाग बनवण्यापूर्वी तज्ञांचा सल्ला घ्यावा.
बडीशेपचे पाणी मासिक पाळी सुरू करू शकते. त्यामुळे, गर्भधारणेदरम्यान ते सेवन करणे आरोग्यासाठी चांगले नाही. तुम्हाला गरोदरपणात बडीशेप पाणी प्यायचे असेल तर प्रथम डॉक्टरांचा सल्ला घेणे चांगले.
(कोणतेही उपाय करण्याआधी तज्ज्ञांचा सल्ला घ्यावा.)
