अमेरिकेचे राष्ट्राध्यक्ष डोनाल्ड ट्रम्प यांनी हिंदुस्थानवर 25 टक्के टॅरिफ (आयात कर) लादण्याची घोषणा केली आहे. यामुळे हिंदुस्थानातून निर्यात होणाऱ्या वस्तूंवर, विशेषत: माहिती तंत्रज्ञान (IT), कापड, आणि फार्मास्युटिकल्स यांसारख्या क्षेत्रांवर मोठा परिणाम होऊ शकतो. अमेरिकेच्या राष्ट्राध्यक्षांनी दंडासह हिंदुस्थानवर 25 टक्के कर लादला आहे.
हिंदुस्थानवर टॅरिफ (आयात कर) लादण्याची घोषणा करत अमेरिकेचे राष्ट्राध्यक्ष डोनाल्ड ट्रम्प म्हणाले आहेत की, “हिंदुस्थान हा आपला मित्र देश असला तरी देखील आपण त्यांच्याशी तुलनेने कमी व्यावसाय केला आहे. कारण त्यांचे आयात शुल्क जगातील सर्वात जास्त आहे, हिंदुस्थनांने त्यांचे बहुतांश लष्करी साहित्य हे रशियाकडून खरेदी केले आहे, तसेच हिंदुस्थान रशियाचा सर्वात मोठा ऊर्जा खरेदीदार देश आहे. येत्या एक ऑगस्टपासून या नव्या निर्णयाची अंमलबजावणी होणार आहे, दोन्ही देशांमध्ये सर्व काही ठीक नाही.”
