टीम इंडियाचा स्टार क्रिकेटपटू रिंकू सिंह याची विकेट पडली आहे. रिंकू सिंह याने थेट खासदार पटवली असून दोघांच्या लग्नाची तारीखही निश्चित झाली आहे. 8 जून रोजी दोघांचा साखरपुडा होईल आणि याच वर्षी 18 नोव्हेंबर रोजी लग्नाचा बार उडेल. या लग्नात दोघांचे कुटुंबीय, मित्र परिवार आणि निवडक लोक उपस्थित राहतील.
रिंकू याच्या होणाऱ्या पत्नीचे नाव प्रिया सरोज आहे. ती समाजवादी पार्टीची खासदार आहे. 2024 मध्ये झालेल्या निवडणुकीत ती मछलीशहर मतदारसंघातून निवडणूक लढली आणि जिंकली होती. तिने बीपी सरोज यांचा 35850 मतांनी पराभव केला होता.
दरम्यान, याच वर्षी जानेवारी महिन्यात रिंकू आणि प्रिया सरोज यांच्या लग्न पक्के झाले होते आणि सुपारी फुटली होती. आता लग्नाची तारीख देखील निश्चित झाली असून 8 जून रोजी दोघे एकमेकांच्या बोटात रिंग घालतील. तर 18 नोव्हेंबर दोघे एक दुजे के होतील.
