वांद्रे पूर्व विधानसभेतील युवासेनेच्या युवती पदांकरिता नेमणुका करण्यात येणार असून सर्व पदांकरिता मुलाखती घेण्यात येणार आहेत. या मुलाखती रविवार 28 मे रोजी सकाळी 10 वाजता शिवसेना शाखा क्र. 93, प्रा.ज.ल. शिर्सेकर मार्ग, शासकीय कर्मचारी वसाहत, चेतना महाविद्यालयाशेजारी, वांद्रे पूर्व येथे होणार आहेत. युवासेनेचा पदाधिकारी होण्यास इच्छुक असणाऱयांनी युवासेनेचा सक्रीय सदस्य असणे आवश्यक आहे. इच्छुक उमेदवारांनी मुलाखतीपूर्वी एक तास अगोदर उपस्थित राहावे, तसेच येताना आपले छायाचित्र सोबत आणावे. इच्छुक कार्यकर्त्यांसाठी माहिती अर्ज सदर मुलाखती ठिकाणी ठेवण्यात येणार आहेत, अशी माहिती युवासेना मध्यवर्ती कार्यालयातून प्रसिद्धीस दिलेल्या पत्रकाद्वारे कळविण्यात आली आहे.
