अमेरिका, इस्रायल-इराण युद्धामुळे जगभरात तणावाचे वातावरण आहे. इराणने हार्मुझची सामुद्रधुनी तेलवाहू जहाजांसाठी बंद केल्याने संघर्ष वाढला आहे. आखाती देशातील वाढत्या तणावादरम्यान जगातील सर्वात महत्त्वाच्या सागरी मार्गांपैकी एक असलेला होर्मुझचा सामुद्रधुनी सध्या संवेदनशील ठरत आहे. हा मार्ग इराणने बंद केल्याने जगभरात कच्च्या तेलाच्या आणि इंधनाच्या किमती वाढत आहेत.
इराण, अमेरिका आणि इस्रायलमधील वाढत्या युद्धाचा परिणाम आता जागतिक तेल पुरवठा आणि सागरी व्यापारावर होत आहे. विविध देशांमधील जहाजे, तसेच अनेक भारतीय जहाजे या सामुद्रधुनीतून अडकली आहेत. शिपिंग कॉर्पोरेशन ऑफ इंडियाचे दोन एलपीजी टँकर, शिवालिक आणि नंदा देवी ही दोन जहाजे होर्मुझची सामुद्रधुनी ओलांडून हिंदुस्थानकडे निघाले आहेत. शिवालिक सुमारे ४०,००० मेट्रिक टन गॅस वाहून नेत आहे, तर नंदा देवी देखील मोठ्या प्रमाणात इंधन वाहून नेत आहे.
होर्मुझच्या सामुद्रधुनीतून दोन भारतीय जहाजांना यशस्वीरित्या बाहेर काढण्यात आले आहे. या जहाजांपैकी शिवालिक सुमारे ४०,००० मेट्रिक टन गॅस वाहून नेत आहे, तर नंदा देवी देखील मोठ्या प्रमाणात इंधन घेऊन भारतात परतत आहे. आखाती प्रदेशात २८ भारतीय जहाजे आहेत. केंद्र सरकारने दिलेल्या माहितीनुसार सध्या एकूण २८ भारतीय जहाजे आखाती प्रदेशात आहेत. त्यावर अंदाजे ७७८ खलाशी आहेत. त्यापैकी २४ जहाजे होर्मुझच्या सामुद्रधुनीच्या पश्चिम भागात आहेत, त्यावर ६७७ खलाशी आहेत. चार जहाजे सामुद्रधुनीच्या पूर्व भागात आहेत, त्यावर १०१ भारतीय खलाशी आहेत. अधिकाऱ्यांचे म्हणणे आहे की या सर्व जहाजांच्या हालचालींवर सतत लक्ष ठेवले जात आहे आणि त्यांच्या सुरक्षिततेसाठी भारतीय दूतावास, स्थानिक अधिकारी आणि शिपिंग कंपन्यांशी समन्वय साधला जात आहे.
सामुद्रधुनीत अडकलेल्या जहाजांपैकी दोन भारतीय एलपीजी टँकरने यशस्वीरित्या होर्मुझची सामुद्रधुनी ओलांडली आहे. होर्मुझच्या सामुद्रधुनीत अडकलेल्या बहुतेक भारतीय जहाजे गॅस आणि इंधन वाहून नेत आहेत. परवानगी मिळालेल्या दोन भारतीय जहाजांव्यतिरिक्त, आणखी एक भारतीय टँकर, जग प्रकाश, ओमानहून पेट्रोल घेऊन आफ्रिकेला जाणाऱ्या होर्मुझच्या सामुद्रधुनीकडे निघाला आहे.
२८ फेब्रुवारी रोजी अमेरिका आणि इस्रायलने इराणवर केलेल्या हल्ल्यांनंतर पश्चिम आशियातील तणाव लक्षणीयरीत्या वाढला. त्यानंतर इराणने प्रत्युत्तरात्मक कारवाई सुरू केली, ज्यामुळे सागरी व्यापारावर परिणाम झाला आणि मालवाहू जहाजांवर हल्ल्यांचे वृत्त आले. याचा परिणाम जगातील सर्वात महत्वाच्या तेल मार्गांपैकी एक असलेल्या होर्मुझच्या सामुद्रधुनीवर झाला आहे. जागतिक तेल आणि वायूच्या सुमारे २० टक्के वाहतूक या मार्गाने होते. त्यामुळे येथील तणाव जागतिक ऊर्जा बाजारावर परिणाम करत आहे.
