अमेरिका, इस्रायल-इराण युद्धाचा ३५ वा दिवस असून आता युद्ध अधिक तीव्र होत आहे. त्यातच इराणने एक महत्त्वपूर्ण आणि मोठा दावा केला आहे. इराणच्या लष्कराने दावा केला आहे की, त्यांच्या हवाई संरक्षण प्रणालीने त्यांच्यावर बॉम्बफेक करण्याचा प्रयत्न करणारे आणखी एक अमेरिकन एफ-३५ लढाऊ विमान पाडले आहे. तथापि, स्वतंत्र संस्थांनी अद्याप याला दुजोरा दिलेला नाही.
इराणने दावा केला आहे की, त्यांनी मध्य इराणमध्ये एक अमेरिकन लढाऊ विमान पाडले आहे. इराणने पाडल्याचा दावा केलेले हे दुसरे एफ-३५ विमान आहे. इराणच्या लष्कराने असेही म्हटले आहे की, पाडलेल्या विमानाचा वैमानिक सुखरुप असण्याची शक्यता खूपच कमी आहे.
एफ-३५ हे अमेरिकेचे सर्वात शक्तिशाली स्टेल्थ लढाऊ विमान मानले जाते. यापूर्वी इराणने एक एफ-३५ लढाऊ विमान पाडले होते, ज्यामुळे मोठे नुकसान झाले होते. आता इराणने दुसरे अमेरिकी एफ-३५ जेट पाडल्याचा दावा केला आहे.
मध्य इराणमध्ये आणखी एक एफ-३५ लढाऊ विमान पाडल्याचा दावा केला आहे. इराणच्या म्हणण्यानुसार, विमानाचा शक्तिशाली क्षेपणास्त्रामुळे त्याचा स्फोट झाला आणि वैमानिक बचावण्याची शक्यता खूप कमी आहे. याला अद्याप दुजोरा मिळालेला नसला तरी, जर हे खरे असेल, तर अमेरिकी हवाई दलासाठी हा एक मोठा धक्का असेल.
इराणच्या खतम अल-अंबिया केंद्रीय मुख्यालयाने या हल्ल्याची जबाबदारी स्वीकारली असून, त्यांच्या हवाई संरक्षण प्रणालीने मध्य इराणमधील अत्याधुनिक विमानाला अचूकपणे लक्ष्य केल्याचे म्हटले आहे. इराणचा दावा आहे की, हे लढाऊ विमान ब्रिटनच्या आरएएफ लेकनहीथ तळावरील एका विशेष तुकडीचे होते. अमेरिकेच्या संरक्षण विभागाने या प्रकरणी मौन बाळगले असले तरी, इराण आपल्या भूमिकेवर ठाम आहे.
इराणच्या लष्करी अधिकाऱ्यांच्या मते, क्षेपणास्त्र विमानाला धडकल्याबरोबर त्याचा जोरदार स्फोट झाला. त्यामुळे विमानाचे तुकडे तुकडे झाले. लष्कराचा असा विश्वास आहे की, इतक्या गंभीर आघातानंतर आणि स्फोटानंतर वैमानिकाचा जीव वाचणे जवळजवळ अशक्य आहे. विशेष म्हणजे, अमेरिकेचे सर्वात प्रगत लढाऊ विमान, एफ-३५, पाडल्याचा दावा इराणने दुसऱ्यांदा केला आहे.
यापूर्वी, १९ मार्च २०२६ रोजी, इराणने हे तथाकथित ‘अदृश्य’ स्टेल्थ जेट पहिल्यांदा पाडून जगाला आश्चर्यचकित केले होते. युद्धाच्या इतिहासात एफ-३५ विमानावर हल्ला होण्याची ही पहिलीच वेळ होती. विशेष म्हणजे, त्यावेळी राष्ट्राध्यक्ष डोनाल्ड ट्रम्प यांनी दावा केला होता की इराणकडे आता कोणतीही संरक्षण प्रणाली शिल्लक राहिलेली नाही, परंतु अवघ्या काही तासांनंतर, इराणने त्याच एफ-३५ विमानाचा मागोवा घेऊन, त्याला लक्ष्य करून नष्ट केले. आता, इराणने पुन्हा एकदा असाच दावा केला आहे.
एफ-३५ हे जगातील सर्वात स्मार्ट आणि ‘अदृश्य’ विमान मानले जाते. शत्रूच्या रडारला चकमा देण्यासाठी आणि स्टेल्थ हल्ले करण्यासाठी याची रचना केली आहे. जर इराणचा दावा खरा ठरला, तर तो अमेरिकेच्या हवाई दलासाठी एक मोठा तांत्रिक आणि सामरिक धक्का ठरेल.
