ईडीने कर्नाटकचे मुख्यमंत्री सिद्धारामय्या यांच्या मालकीची 100 कोटी रुपयांची प्रॉपर्टी जप्त केली आहे. ही प्रॉपर्टी मैसूर अर्बन डेव्हलपमेंट ऑथिरीटी म्हणजे मुदा संबंधित घोटाळ्याशी आहे असा आरोप ईडीने केला आहे.
या घोटाळ्यासंबंधित ईडीने आतापर्यंत 400 कोटी रुपयांची प्रॉपर्टी जप्त केली आहे. मुदा घोटाळ्यात लाभार्थ्यांच्या नावे घरं लाटल्याचा आरोप आहे. ईडीने आधी मुदाच्या 160 प्रॉपर्टी या 300 तर 92 प्रॉपर्टी या 100 कोटी रुपयांच्या असल्याची माहिती ईडीने दिली आहे. सर्व प्रॉपर्टीची किंमत ही 400 कोटी रुपयांच्या घरात असल्याची माहितीही ईडीने दिली आहे.
या संकुल घोटाळ्यात अनेक लाभार्थी हे पात्र नव्हते. तरी त्यांना या योजनेतून घरं देण्यात आली. अनेक लाभार्थ्यांची कागदपत्र ही बोगस होती तर काही लाभार्थ्यांची कागदपत्र अर्धवट होती. यातून सरकारची फसवणूक झाल्याचा दावा ईडीने केला आहे.
