मध्य पूर्वेतील युद्धाने आतापर्यंतचे सर्वात रौद्र रूप धारण केले आहे. अमेरिकेने इराणवर भीषण लष्करी कारवाई केल्याचा दावा केला असून, युद्ध सुरु झाल्यापासून इराणमधील तब्बल १५,००० ठिकाणांना लक्ष्य करण्यात आले आहे. या हल्ल्यामुळे इराणचे संपूर्ण लष्करी आणि राजकीय प्रशासन हादरले असून, देशातील सर्वोच्च नेतृत्व सुरक्षेच्या कारणास्तव भूमिगत झाले आहे, असा दावाही अमेरिकेने केला आहे.
अमेरिकेचे संरक्षण मंत्री पीट हेगसेथ म्हणाले, “इराणचे नेतृत्व भूमिगत झाले आहे.” ते पुढे म्हणाले, “आमच्या हवाई दलाने आणि इस्रायली हवाई दलाने मिळून शत्रूच्या १५,००० हून अधिक ठिकाणांना लक्ष्यांवर हल्ला केला आहे. हे दररोज १,००० हून अधिक आहे.”
हेगसेथ म्हणाले की, इराणचे नवीन सर्वोच्च नेते मोजतबा खामणी जखमी आहेत आणि बहुधा त्यांचा चेहराही विद्रूप झाला आहे. अमेरिकन संरक्षण मंत्र्यांनी सांगितले की, इराणच्या सर्व संरक्षण कंपन्या लवकरच नष्ट केल्या जातील. यावेळी माहिती देताना त्यांनी सांगितले की, अमेरिकेने अमेरिकन सेंट्रल कमांडच्या (CENTCOM) बाहेरील एका अधिकाऱ्याची नियुक्ती एका इराणी शाळेवर झालेल्या हल्ल्याची चौकशी पूर्ण करण्यासाठी केली आहे.
