मुंबईतील बोरिवली येथे पार्किंगची लिफ्ट कोसळून एका तरुणाचा मृत्यू झाला आहे, तर एक गंभीर जखमी झाला आहे. शुभम मदनलाल धुरी (वय – 30) असे मृताचे नाव आहे, तर सुनजीत यादव (वय – 45) यांच्या डोक्याला गंभीर दुखापत झाली असून त्यांना उपचारांसाठी रुग्णालयात दाखल करण्यात आले आहे.
बीएमसीने दिलेल्या माहितीनुसार, शनिवारी सकाळी 11 वाजून 8 मिनिटांनी ही घटना घडली. बोरिवली पश्चिम येथील लिंक रोडवरील ओम प्रथमेश या 21 मजली इमारतीची कार पार्किंग लिफ्ट कोसळली. याखाली दोन जण अडकले होते. याची माहिती मिळताच अग्निशमन दलाने घटनास्थळी धाव घेत दोघांनाही बाहेर काढले आणि पोलीस व्हॅनमधून बीडीबीए शताब्दी रुग्णालयात दाखल केले. दुपारी 12 वाजून 59 वाजता शुभम धुरी याला डॉक्टरांनी मृत घोषित केले, तर सुनजीत यादव यांच्या डोक्याला दुखापत झाल्याने त्यांना सीटी स्कॅनसाठी रेफर करण्यात आले आहे.
भायखळ्यात रहिवासी इमारतीचा काही भाग कोसळला; एका महिलेचा मृत्यू, दुसरी गंभीर जखमी
