वरळीतील लोटस जेट्टी येथे शनिवारी अस्थिविसर्जन करताना दोघांचा समुद्रात बुडून मृत्यू झाला. या अपघातात एक जण जखमी झाला आहे. स्थानिक मच्छिमार आणि पोलिसंनी तात्काळ तिघांचा शोध सुरू केला. संतोष विश्वेश्वर (51), कुणाल कोकाटे (45) अशी मयत दोघांची नावे आहेत. तर संजय सरवणकर (58) असे जखमीचे नाव आहे.
हाजिअलीजवळील वरळी येथील लोटस जेट्टी येथे शनिवारी अस्थिवसर्जनाचा विधी सुरू असताना लाटांच्या प्रवाहासोबत तिघे वाहून गेले. सायंकाळी 5.40 वाजता समुद्रात तीन जण बुडाल्याची माहिती पोलिसांना मिळाली. पोलिसांनी तात्काळ घटनास्थळी धाव घेत स्थानिक मच्छिमारांच्या मदतीने तिघांना पाण्यातून बाहेर काढले. तिघांनाही नायर रुग्णालयात नेण्यात आले. मात्र डॉक्टरांनी दोघांना मृत घोषित केले. तर जखमीची प्रकृती आता स्थिर आहे.
