फोटोची हौस एका तरुणाच्या जीवावर बेतली आहे. मित्रांसोबत फोटो काढत असताना तोल गेल्याने तरुण समुद्रात पडला आणि बुडून त्याचा मृत्यू झाला. अनिल अर्जुन राजपूत असे मयत तरुणाचे नाव आहे. घटनेची माहिती मिळताच जुहू पोलीस आणि अग्नीशामक दल घटनास्थळी दाखल झाले. पोलिसांनी नागरिकांना समुद्रात न जाण्याचे आवाहन केले आहे.
अिल राजपूत हा शनिवारी संध्याकाळी मित्रांसोबत जुहू बीचवर फिरायला आला होता. मित्रांसोबत समुद्रकिनारी फोटो काढत असताना त्याचा तोल गेला आणि तो समुद्रात पडला. मित्रांनी आरडाओरडा केल्याने बीचवर उपस्थित जीवरक्षकांनी तात्काळ समुद्रात उडी घेत अनिलला बाहेर काढले. मात्र नाकातोंडात पाणी गेल्याने त्याचा आधीच मृत्यू झाला होता.
