देशाच्या संवैधानिक लोकशाहीच्या पायात निवडणुका असल्या तरी, न्यायमूर्ती हे संवैधानिक मूल्यांच्या शाश्वततेच्या भावना दर्शवत व्यवस्थेचं रक्षण करतात, असं प्रतिपादन देशाचे सरन्यायाधीश डीवाय चंद्रचूड यांनी ऑक्सफर्ड युनियन सोसायटीमध्ये आपल्या भाषणात दरम्यान केलं.
ऑक्सफर्ड विद्यापीठातील प्रसिद्ध संस्थेला मंगळवारी संबोधित करताना देशाच्या सर्वोच्च न्यायालयाच्या सरन्यायाधीशांनी न्यायव्यवस्थेत अधिक पारदर्शकता आणण्यासाठी तंत्रज्ञानाच्या भूमिकेवर प्रकाश टाकला.
सोशल मीडियावर न्यायाधीशांवर केलेल्या काही ‘अयोग्य’ टीकेची कबुली देऊन, सरन्यायाधीशांनी असं ठासून सांगितलं की, तंत्रज्ञानाचा वापर म्हणजे न्यायव्यवस्थेला समाजातील एका मोठ्या वर्गापर्यंत पोहोचण्यास मदत करणे.
‘कधीही राजकीय दबाव अनुभवला केला नाही’, असं प्रतिपादन सरन्यायाधीश डीवाय चंद्रचूड
चंद्रचूड यांनी ऑक्सफर्ड युनियन सोसायटीला संबोधित करताना केलं.
‘संवैधानिक लोकशाहीच्या पायामध्ये निवडणुका आहेत… हिंदुस्थानात न्यायाधीशांची निवड एका कारणास्तव होत नाही; न्यायाधीश परिस्थितीचे सातत्य, घटनात्मक मूल्यांचे सातत्य प्रतिबिंबित करतात’, असं त्यांनी लोकसभा निवडणुकांच्या संदर्भातील प्रश्नाला उत्तर देताना सांगितलं.
सरन्यायाधीश चंद्रचूड म्हणाले, ‘लोकशाहीमध्ये न्यायपालिकेची भूमिका महत्त्वाची असते, ती म्हणजे आपण परंपरेची भावना प्रतिबिंबित करतो आणि चांगल्या समाजाचे भविष्य काय असावे याची जाणीव देखील आपण प्रतिबिंबित करतो’, असं सरन्यायाधीश म्हणाले.
निकाल देताना त्यांना राजकीय आणि सामाजिक दबावांबद्दल विचारले असता, सरन्यायाधीशांनी सांगितलं की, त्यांच्या 24 वर्षांच्या न्यायाधीश म्हणून त्यांना कधीही ‘त्यांच्याकडे असलेल्या अधिकारांकडून राजकीय दबावाचा सामना करावा लागलेला नाही’.
‘आम्ही असं जीवन जगतो जे सरकारच्या राजकीय अंगापासून तुलनेनं अलिप्त आहे… परंतु साहजिकच न्यायमूर्तींना त्यांच्या निर्णयांचा मोठ्या प्रमाणावर राजकारणावर होणारा परिणाम जाणून घ्यावा लागतो. हा राजकीय दबाव नसून न्यायालयाची समजूत आहे’, असं ते म्हणाले.
