एनआयएने आज मुंबई दहशतवादी हल्ल्याचा सूत्रधार तहव्वूर राणाच्या आवाजाचे आणि हस्ताक्षराचे नमुने घेतले. दोन्ही नमुने एकाच दिवशी घेण्यात आले. 30 एप्रिल रोजी न्यायालयाने एनआयएला राणाच्या आवाजाचे आणि हस्ताक्षराचे नमुने घेण्याची परवानगी दिली होती. राणाला आज कडक सुरक्षेखाली न्यायदंडाधिकारी वैभव कुमार यांच्यासमोर आणण्यात आले. त्यांच्यासमोर एनआयएने त्याच्या हस्ताक्षराचे नमुने नोंदवले. दरम्यान, राणाच्या आवाजाचे आणि हस्ताक्षराचे नमुने सादर करण्याचे निर्देश दिलेल्या अलीकडील न्यायालयाच्या आदेशाचे पालन केले असल्याचे राणाचे कायदेशीर सहाय्यक वकील पीयूष सचदेव म्हणाले.
