दिल्लीतील प्रदूषण कमी करण्यासाठी सरकार 1 जुलैपासून नवीन नियम आणणार आहे. या नियमाअंतर्गत दिल्लीत 15 वर्षांहून अधिक जुन्या पेट्रोल वाहनांना पेट्रोल तर 10 वर्षांहून अधिक जुन्या डिझेल वाहनांना डिझेल मिळणार नाही. या नियमाची अंमलबजावणी येत्या 1 जुलै 2025 पासून केली जाणार आहे. दिल्ली सरकारने हा नियम लागू करण्यासाठी स्टँडर्ड ऑपरेटिंग सिस्टिमला अधिकृतपणे जारी केले आहे. जुन्या वाहनांना दिल्लीतील कोणत्याही पेट्रोल पंपावर इंधन मिळणार नाही. या वाहनांची ओळख पटवण्यासाठी सर्व पेट्रोल पंपावर ऑटोमेटेड नंबर प्लेट रिकग्नेशन सिस्टम लागू केली जाणार आहे.
