जमिनीच्या वादातून महिलांमध्ये फ्री स्टाईल हाणामारी झाल्याची घटना शिरुरमध्ये घडली आहे. सर्व महिलांनी एकमेकींना बेदम मारहाण केली असून यात त्या जखमी झाल्या आहेत. या घटनेचा व्हि़डिओ सोशल मीडियावर व्हायरल झाला आहे. या घटनेमुळे कायदा आणि सुव्यवस्थेचा प्रश्न ऐरणीवर आला आहे.
शिरुर तालुक्यातील न्हावरे गावात ही घटना घडल्याची माहिती मिळते. जमिनीच्या वादातून शेतातच महिलांनी एकमेकींना जीवे मारण्याची धमकी दिली. तसेच लोखंडी गज, लाकडी काठी, लाथा-बुक्क्यांनी एकमेकींवर जीवघेणा हल्ला केला. एवढ्यावरच थांबल्या नाहीत तर या महिलांनी कुणाचे दात पाडले तर कुणाला चावा घेतला.
