रत्नदुर्ग किल्ल्यावरून एक तरूणी खाली पडल्याची घटना रविवारी घडली होती. अद्यापही त्या तरूणीचा शोध लागलेला नाही. रत्नागिरीतील काही वसतिगृहात जाऊन पोलिसांनी शोध घेतला. मात्र अजून त्या तरुणीची माहिती मिळालेली नाही.
रविवारी दुपारी 12 वाजता एक तरुणी रत्नदुर्ग किल्ल्यावरील रेलिंगच्या पलीकडे जाऊन बसली होती. त्या किल्ल्यावरून ती खाली समुद्रात पडली. त्या तरूणीचे जॅकेट, ओढणी आणि चप्पला रेलिंगजवळ सापडल्या होत्या. समुद्र खवळलेला असल्याने शोध मोहिमेला अडथळा निर्माण झाला. त्या तरूणीचा शोध घेण्यासाठी एनडीआरएफचे पथक बोलावण्यात आले होते. आजही पोलीस शोध घेत होते. महिला पोलिसांनी आसपासच्या वसतिगृहात जाऊन शोध घेतला मात्र अद्याप त्या तरुणीची माहिती मिळाली नाही.
