सरकारच्या बेजबाबदारपणामुळे शहरांसह ग्रामीण भागातील रस्त्यांची अवस्था जैसे थेच आहे. खडबडीत आणि तडे गेलेले रस्ते प्रवाशांच्या मुळावर उठत आहेत.याचाच प्रत्यय लातूर जिल्ह्यात पाहायला मिळाला. लातूर ते मुरूड या रस्त्याच्या दुरावस्थेमुळे कराड- लातूर ही एसटी बस घसरून उलटली. त्यामुळे जवळपास पंधरा प्रवासी जखमी झाले आहेत. ही घटना मुरुड अकोला ते रामेगाव दरम्यान रात्री साडे आठच्या सुमारास घडली.
सध्या लातूर ते बोरगाव रस्त्याचे काम सुरू आहे. बुधवार दिनांक 4 जून रोजी रात्री साडेआठच्या सुमारास कराड वरून लातूरकडे जाणारी राज्य परिवहन महामंडळाची बस क्रमांक MH 14 BT 4432 ही मुरुड आकोला ते रामेगाव आली असता चिखल व रस्त्यावरील चढउताराचा अंदाज न आल्यामुळे घसरली. यात एसटी चालकाने प्रसंग सावधान राखून गाडीचा वेग कमी केल्यामुळे मोठी दुर्घटना टळली.
