बद्रीनाथ धामचे दरवाजे रविवारी सकाळी 6 वाजता उघडण्यात आले आहेत. गणेश पूजेनंतर मुख्य पुजाऱ्यांनी मंदिराचे दरवाजे उघडले. महिलांनी लोकगीते गायली. गढवाल रायफल्सच्या बँडने पारंपरिक धून वाजवली. चारधाम यात्रा पूर्णपणे सुरू झाली आहे. सकाळी मंदिर परिसरात 10 हजारांहून अधिक भाविक उपस्थित होते. पुढील 6 महिने भाविकांना भगवान बद्रीविशालचे दर्शन घेता येईल. 3 मे रोजी भगवान बद्रीविशाल यांची पालखी, आदि गुरू शंकराचार्यांचे सिंहासन, पुबेर आणि उद्धव यांची उत्सवाची पालखी धामात पोहोचली. यापूर्वी 30 एप्रिल रोजी अक्षय्य तृतीयेच्या निमित्ताने गंगोत्री-यमुनोत्री धामचे दरवाजे उघडण्यात आले होते आणि 2 मे रोजी केदारनाथ धामचे दरवाजे उघडण्यात आले होते.
