अभिनेता एजाज खानचा रिऑलिटी शो ‘हाऊस अरेस्ट’ अश्लील टिप्पणीवरून वादाच्या भोवऱ्यात सापडला आहे. सोशल मीडियावर अनेकांनी टीका करताच स्ट्रीमिंग प्लॅटफॉर्म उल्लू अ‍ॅपने संबंधित शो काढून टाकला. शोमधील एका छोट्या क्लिपने टीकाकारांना आमंत्रण दिले. एजाज खान महिला स्पर्धकांवर अश्लील कृत्ये करण्यासाठी दबाव टाकत असल्याचे व्हिडीओमध्ये स्पष्टपणे दिसते. राष्ट्रीय महिला आयोगाने उल्लू अ‍ॅपचे सीईओ विभू अग्रवाल आणि एजाज खान यांना या प्रकरणी समन्स बजावल्यानंतर हा शो काढून टाकण्यात आला. दोघांनाही 9 मे रोजी हजर राहण्यास सांगण्यात आले आहे.
