नव्या चेहऱ्यांना संधी द्या मला प्रदेशाध्यक्ष पदापासून मुक्त करा अशी मागणी राष्ट्रवादी काँग्रेस शरदचंद्र पवार पक्षाचे नेते जयंत पाटील यांनी केली होती. या मागणीचा विचार केला जाईल अशी प्रतिक्रिया शरद पवार यांनी दिली आहे.
आज राष्ट्रवादी काँग्रेस शरदचंद्र पवार पक्षाचा 26 वर्धापन दिन साजरा होत आहे. यावेळी शरद पवार म्हणाले की गेली सात आठ वर्ष पाटील यांनी राज्यात पक्षाचे नेतृत्व केले, जिल्ह्याजिल्ह्यात पक्ष पोहोचवला, जयंत पाटील यांनी ग्रामविकास मंत्री, उपमुख्यमंत्री आणि अर्थमंत्री म्हणून काम पाहिलं. त्यांनी घेतलेले अनेक निर्णय जनतेला भावले. आता त्यांनी एक इच्छा बोलून दाखवली आहे. याबाबत मी राज्यातील नेत्यांशी चर्चा करेन आणि योग्य निर्णय घेतला जाईल असेही शरद पवार म्हणाले.
