राष्ट्रीय जनता दल पक्षाचे सर्वेसर्वा लालूप्रसाद यादव यांचा मोठा मुलगा तेज प्रताप यादव पुन्हा एकदा चर्चेत आहे. पक्ष आणि कुटुंबातून बाहेरचा रस्ता दाखवलेल्या तेजप्रताप यादव यांनी एक भावूक पोस्ट शेअर केली आहे. ताज्या पोस्टमध्ये त्यांनी श्रीकृष्ण आणि अर्जुनाचा उल्लेख केला असून नात्यांमधील तणाव, कुटुंबापासून विभक्त होण्याची भीती त्यांच्या पोस्टमधून दिसत आहे.
तेजप्रताप यांनी महाभारताच्या युद्धात शंखनाद करणाऱ्या श्रीकृष्ण आणि अर्जुनाचा फोटो शेअर केला आहे. यासोबत त्यांनी अत्यंत भावूक करणारे कॅप्शन लिहिले आहे. माझा अर्जुनाला माझ्यापासून वेगळे करण्याचा प्रयत्न होत आहे. पण तुम्ही यात कधीच यशस्वी होणार नाहीत. तुम्ही कृष्णाची नारायणी सेना घेऊ शकता, पण कृष्ण नाही. प्रत्येक षडयंत्र लवकरच उघड करेन. भावा, फक्त विश्वास ठेव. मी कोणत्याही परिस्थितीमध्ये तुझ्या सोबतच असेल. सध्या दूर असलो तरी माझा आशीर्वाद तुझ्यासोबत आहे आणि कायम राहील. आई बाबांची काळजी घे, कारण प्रत्येक ठिकाणी जयचंद आहेत. आतही आणि बाहेरही, अशी पोस्ट तेजप्रताप यांनी लिहिली आहे. याआधीही त्यांनी एक पोस्ट केली होती आणि त्यात वडील लालूप्रसाद यादव आणि आई राबडी देवी माझ्यासाठी देवाहून अधिक असल्याचे म्हटले होते.
मेरे अर्जुन से मुझे अलग करने का सपना देखने वालों ,तुम कभी अपनी साजिशों में सफल नही हो सकोगे,कृष्ण की सेना तो तुम ले सकते हो लेकिन खुद कृष्ण को नही।हर साजिश को जल्द बेनकाब करूंगा।बस मेरे भाई भरोषा रखना मैं हर परिस्थिति में तुम्हारे साथ हूँ,फिलहाल दूर हूँ लेकिन मेरा आशीर्वाद हमेशा… pic.twitter.com/Ysf2wq1rVB
— Tej Pratap Yadav (@TejYadav14) June 1, 2025
