हिमाचल प्रदेशमध्ये पावसाचा हाहाकार

बातमी शेअर करा :
सामना फॉलो करा

सामना ऑनलाईन। सिमला

हिमाचल प्रदेशमध्ये गेल्या ४८ तासापासून कोसळणाऱ्या पावसाने हाहाकार उडवला आहे. तर कुल्लू येथे ढगफुटी झाली असून मनालीतील डोभी विहाल मध्ये व्यास नदीने धोक्याची पातळी ओलांडली. यावेळी पूराच्या पाण्यात अडकलेल्या १९ जणांना हवाईदलाच्या हेलिकॉप्टरच्या मदतीने वाचवण्यात आले आहे.

himachal-pradesh-2

रोहतांग येथेही बर्फवृष्टी होत असून येथे अडकलेल्या २८ जणांना बचाव पथकाने सुखरूप बाहेर काढले आहे. व्यास नदीला पूर आल्याने किनाऱ्याजवळ राहणाऱ्या नागरिकांना सुरक्षितस्थळी जाण्याच्या सूचना प्रशासनाने दिल्या आहेत. पंजाब पठाणकोट राष्ट्रीय महामार्गावर विविध ठिकाणी दरड कोसळल्याने हा मार्ग वाहतूकीसाठी बंद करण्यात आला आहे. लाहूल व कुल्लू येथेही बर्फवृष्टी होत आहे. बारालचा बरोबरच कुंजुंम आणि रोहतांग येथे दोन ते तीन फूट बर्फ साचला आहे. व्यासनलमध्ये ५ इंच,सोलंगमधील फतरु व गुलाबा येथे ३ इंच बर्फवृष्टी झाली आहे. सोलन व ऊना सोडून इतर जिल्ह्यात रेड अॅलर्ट जारी करण्यात आला आहे. या जिल्हयात सरकारी व खासगी शाळांना सुट्टी जाहीर कऱण्यात आली आहे.

summary-heavy-rain-in-himachal-pradesh