देवदर्शनाला चाललेल्या भाविकांच्या मिनी बसला भरधाव कंटनेरने धडक दिल्याची घटना सोलापूर-पुणे महामार्गावर घडली. या अपघातात तिघांचा जागीच मृत्यू झाला असून 15 जण जखमी झाले. अपघाताची माहिती मिळताच पोलिसांनी घटनास्थळी धाव घेत मदतकार्य सुरू केले. जखमींना तात्काळ उपचारासाठी रुग्णालयात नेण्यात आले. याप्रकरणी कंटेनरचालकाविरोधात गुन्हा दाखल करण्यात आला आहे.
मिळालेल्या माहितीनुसार, मिनी बसमधील भाविक पंढरपूर आणि तुळजाभवानीच्या दर्शनाला चालले होते. यादरम्यान सोलापूर-पुणे महामार्गावरील कोळेवाडी येथे कंटनेरची दुचाकी धडक झाली. यानंतर कंटेनर अनियंत्रित होऊन राँग साईडला गेला आणि मिनी बसला धडकला. कंटेनरची धडक बसताच बस पलटी झाली.
अपघातात दुचाकी चालक, बस चालक आणि अन्य एकाचा मृत्यू झाला. एकाचा जागीच मृत्यू झाला तर दोघांचा रुग्णालयात उपचारादरम्यान मृत्यू झाला. अपघातानंतर महामार्गावरील वाहतूक ठप्प झाली होती.
