हिंदुस्थानी लष्कर आणि पाकिस्तानी सैनिक तसेच दहशतवादी यांच्यात सातत्याने होत असलेल्या चकमकीच्या पार्श्वभूमीवर जम्मू-कश्मीरचे नायब राज्यपाल मनोज सिन्हा यांनी मोठी कारवाई केली आहे. दहशतवादी संघटनांशी संबंध असल्याच्या संशयावरून तीन सरकारी कर्मचाऱ्यांना थेट बडतर्फ करण्याची कारवाई करण्यात आली. बडतर्फ करण्यात आलेल्या कर्मचाऱ्यांमध्ये एक पोलीस हवालदार, एक वन विभागाचा कर्मचारी आणि एका शिक्षकाचा समावेश आहे.
