छत्तीसगडमधील गरिआबंद जिह्यात सुरक्षा दलांशी झालेल्या चकमकीत आठ लाख रुपयांचे बक्षीस असलेला नक्षलवादी ठार झाला. केंद्रीय राखीव पोलीस दल आणि जिल्हा पोलिसांच्या पथकाने संयुक्त कारवाईत नक्षलवाद्याचा खात्मा केला. संयुक्त पथक नक्षलविरोधी मोहिमेवर असताना मोतीपाणी या गावाजवळील जंगलात शुक्रवारी रात्री उशिरा चकमकीत नक्षलवादी ठार झाला. गोळीबार थांबल्यानंतर घटनास्थळावरून स्फोटकांचा मोठा साठा जप्त करण्यात आला आहे.
