दोषींना अशी शिक्षा झाली पाहिजे की, कोणीही हिंदुस्थानकडे डोळे वर करून पाहण्याची हिंमत करणार नाही, असं लोकसभेचे विरोधी पक्षनेते राहुल गांधी म्हणाले आहेत. जम्मू-काश्मीरच्या पहलगाम येथे झालेल्या भ्याड दहशतवादी हल्ल्यात शहीद झालेल्या नौदलाचे लेफ्टनंट विनय नरवाल यांच्यासाठी संपूर्ण देश शोकसागरात आहे. यातच आज राहुल गांधी यांनी नरवाल कुटुंबीयांची भेट घेतली. या भेटीनंतर X वर एक पोस्ट करून ते असं म्हणाले आहेत.
X वर पोस्ट करत राहुल गांधी म्हणाले आहेत की, “पहलगाम हल्ल्यात शहीद झालेले लेफ्टनंट विनय नरवाल यांच्या शोकाकुल कुटुंबाची भेट घेतली आणि त्यांचे सांत्वन केले. या दुःखाच्या प्रसंगातही त्यांचे धाडस आणि शौर्य राष्ट्रासाठी एक संदेश आहे की, आपल्याला एकजूट राहिले पाहिजे.”
ते म्हणाले आहेत की, “संपूर्ण देश शहीदांच्या कुटुंबियांसोबत उभा आहे. सरकारला विरोधी पक्षांचा पूर्ण पाठिंबा आहे. दोषींना अशी शिक्षा झाली पाहिजे की, कोणीही हिंदुस्थानकडे डोळे वर करून पाहण्याची हिंमत करणार नाही.”
पहलगाम हमले में शहीद हुए लेफ्टिनेंट विनय नरवाल जी के शोकाकुल परिवार से मिलकर उनका दुख बांटा, उन्हें सांत्वना दी। अपार दुख में भी उनका हौसला और साहस देश के लिए एक संदेश है – हमें एकजुट रहना है।
पूरा देश शहीदों के परिवारों के साथ खड़ा है। सरकार को विपक्ष का पूरा समर्थन है -…
— Rahul Gandhi (@RahulGandhi) May 6, 2025
