हिंदुस्थानने दहशतवादाविरुद्ध कणखर भूमिका घेत पहलगाम येथील हल्ल्याला चोख प्रत्युत्तर म्हणून ‘ऑपरेशन सिंदूर’ राबवत पाकिस्तान व पाकव्याप्त कश्मीरमधील दहशतवादी तळांवर हल्ले करून नष्ट केल्याबद्दल उपमुख्यमंत्री अजित पवार यांनी सैन्यदलांचे आणि ‘ऑपरेशन सिंदूर’मध्ये सहभागी झालेल्या सैनिकांचे अभिनंदन केले आहे. सैनिकांच्या क्षमतेवर देशाला पूर्ण विश्वास असून देश एकजुटीने त्यांच्यामागे उभा आहे, अशा शब्दांत त्यांनी कौतुक केले.
