पालघरला नवे उपप्रादेशिक परिवहन कार्यालय मंजूर झाले आहे. त्यानुसार पालघर जिह्याला आता ‘एमएच-60’ अशी नवीन परिवहन ओळख मिळाली आहे. त्यामुळे पालघरच्या ग्रामीण भागातील सर्वसामान्य जनतेला यापुढे परिवहनविषयक कामासाठी वसई-विरारला जाण्याची आवश्यकता भासणार नाही. नागरिकांचा वेळ, श्रम तसेच पैशांची बचत होणार आहे. पालघरला उपप्रादेशिक परिवहन कार्यालय मंजूर करण्याची मागणी नागरिकांकडून वेळोवेळी केली जात होती. अखेर ही मागणी सरकारने मंजूर केल्यामुळे पालघरच्या ग्रामीण भागातील नागरिकांना मोठा दिलासा मिळाला आहे. जिह्यात नोंदणी होणाऱ्या वाहनांना यापुढे ‘एमएच-60’ असा क्रमांक मिळणार आहे.
