चौफेर फटकेबाजी करण्यासाठी ओळखल्या जाणार्या सूर्यकुमार यादवने आणखी एक विक्रम आपल्या नावावर केला आहे. स्टेडियमच्या प्रत्येक कोपऱ्याच चेंडू टोलवण्याची त्याची क्षमता क्रीडा प्रेमींना न्यात आहे. त्यामुळे त्याचे मुंबईतच नाही तर जगाच्या कानाकोपऱ्याच चाहते आहेत. पंजाबविरुद्ध सुरू असलेल्या सामन्यता त्याने पुन्हा एकदा आपल्या फलंदाजीचे जलवे दाखवत 39 चेंडूंमध्ये 57 धावा चोपून काढल्या. यामध्ये 6 चौकार आणि 2 षटकारांचा समावेश आहे. याचसोबत त्याने सचिन तेंडूलकरचा 15 वर्षांपूर्वीचा विक्रम मोडित काढला आहे.
सूर्यकुमार यादवने IPL 2025 मध्ये आतापर्यंत धमाकेदार फलंदाजी करत 14 सामन्यांमध्ये 640 धावा केल्या आहेत. यामध्ये पाच अर्धशतकांचा समावेश आहे. याचसोबत त्याने एकाच हंगामात मुंबई इंडियन्सकडून सर्वाधिक धावा करण्याचा विक्रम आपल्या नावावर केला आहे. सचिन तेंडूलकरने 2010 साली 618 धावा करत या विक्रमाची नोंद केली होती. त्यानंतर कोणत्याच खेळाडूला हा विक्रम मोडता आला नाही. परंतु आता सूर्यकुमार यादवने 640 धावा करत हा विक्रम आपल्या नावावर केला आहे.
