अमेरिकेत राहणाऱ्या हिंदुस्थानी वंशाच्या तन्मय शर्मा यांना अटक करण्यात आली आहे. शर्मा हे अमेरिकेत फार्मा कंपनीने मालक असून हजारो कोटी रुपयांचा घोटाळा केल्याप्रकरणी त्यांना अटक करण्यात आली आहे.
तन्मय शर्मा हे सॉवरेन हेल्थ ग्रुपचे संस्थापक आणि माजी सीईओ आहेत. तन्मय शर्मा यांच्यावर तीन उपचार सुविधांसाठी बेकायदेशीररित्या कमिशन घेतल्यासह आठ आरोप लावण्यात आले आहेत. शर्मा यांच्या कंपनीने अनधिकृत एका टेस्टसाठी विमा कंपनीला बिल पाठवून 29 मिलियन डॉलर्सचा गैरव्यवहार केला आहे.
तसेच रुग्णांना दुसरीकडे रेफर करण्यासाठी 21 मिलियन डॉलर्सचे बेकायदेशीर कमिशन घेतल्याचा आरोप आहे. या व्यवहार लपवण्यासाठी शर्मा आणि त्यांच्या सहकाऱ्यांनी खोटे कॉन्ट्रॅक्ट बनवले होते. शर्मा यांनी 1244 कोटी रुपयांचा अपहार केल्याप्रकरणी त्यांच्यावर कारवाई करण्यात आली आहे.
