अयोध्येत राममंदिराच्या पहिल्या मजल्यावर स्थापन करण्यात आलेला राम दरबार भाविकांसाठी शनिवारी खुला करण्यात आला. राम मंदिर ट्रस्टने राम दरबार खुला करण्याचा निर्णय घेतला. त्यामुळे रामलल्लाच्या दर्शनासह आत राम दरबारालाचेही दर्शन घेता येईल. त्यासाठी पास उपलब्ध करून देण्यात आले आहेत. दिवसभरात 1800 भाविकांना पासच्या आधारे राम दरबाराचे दर्शन घेता येणार आहे.
श्रीराम जन्मभूमी तीर्थक्षेत्र न्यासाचे सदस्य अनिल मिश्रा यांनी राम दरबार खुला करण्याच्या निर्णयाची माहिती दिली. स्थानिक प्रशासनासोबतच्या बैठकीनंतर श्रीराम जन्मभूमी न्यासाचे सरचिटणीस चंपत राय यांनी भाविकांसाठी राम दरबार खुला करण्याची परवानगी देण्यात आल्याचे मिश्रा यांनी सांगितले. राम दरबाराच्या दर्शनासाठी एका दिवसात सहा स्लॉट असतील. सकाळी 7 ते 9, 9 ते 12, दुपारी 1 ते 3, त्यानंतर 3 ते 5, सायंकाळी 5 ते 7 आणि 7 ते 9 असे स्लॉट असतील. प्रत्येक
स्लॉटमध्ये 300 पास उपलब्ध करून दिले जातील.
